Թրամփը Թուրքիայի համար հավելյալ 15 տոկոս մաքսատուրք է սահմանել
ԱՄՆ նախագահ Դոնալդ Թրամփը հուլիսի 31-ին հրամանագիր է ստորագրել, որով մի շարք երկրների՝ այդ թվում նաև Թուրքիայի համար նոր մաքաստուրքեր են սահմանվել: Այս մասին տեղեկացնում է ermenihaber.am-ը։
Ըստ այդմ՝ Թուրքիայի համար ԱՄՆ ներմուծումներ իրականացնելու դեպքում սահմանվել է 15 տոկոս հավելյալ մաքսատուրք:
Նմանատիպ մաքսատուրքեր, սակայն արդեն ավելի բարձր տոկոսներով կիրառվել են Հնդկաստանի (25%), Թայվանի (20%) և Հարավաֆրիկյան Հանրապետության (30%) նկատմամբ:
Նշենք, որ նոր մաքսատուրքերից անմասն չեն մնացել Մեծ Բրիտանիան, Իսրայելը, Սիրիան և Կանադան:
