ԱՄՆ-ն պատժամիջոցներ է սահմանել Պաղեստինի ինքնավարության պաշտոնյաների նկատմամբ
Միացյալ Նահանգները պատժամիջոցներ է սահմանում, որոնք արգելում են Պաղեստինի ինքնավարության և Պաղեստինի ազատագրման կազմակերպության (ՊԱԿ) ներկայացուցիչների մուտքը երկիր՝ ըստ Մերձավոր Արևելքի (Middle East Peace Commitments Act, MEPCA) 604(a)(1) բաժնի, ասված է Պետքարտուղարության հայտարարության մեջ։
Ըստ հաղորդագրության՝ սահմանափակումների նպատակն է ցույց տալ հետևանքները և պատասխանատվության ենթարկել նրանց, ովքեր չեն կատարում գործող պարտավորությունները և խոչընդոտում են խաղաղության գործընթացին։
Այս քայլը ծառայում է Միացյալ Նահանգների ազգային անվտանգության շահերին՝ կատալիզացնելով Պաղեստինի ինքնավարության և Պաղեստինի ազատագրման կազմակերպության պատասխանատվությունը խաղաղության հեռանկարները խաթարելու համար, ընդգծում է գերատեսչությունը։
Սահմանափակումները ներառում են վիզայի մերժում, Միացյալ Նահանգներ մուտքի արգելափակում։ Պատժամիջոցները սահմանվել են՝ խաղաղության համաձայնագրերով ստանձնած պարտավորությունները չկատարելու, միջազգային մարմիններում (ICC, ICJ) Իսրայելի դեմ բողոքներ ներկայացնելու, բանտարկված ահաբեկիչներին և նրանց ընտանիքներին նպաստներ վճարելու, կրթական նյութերում և այլ ոլորտներում բռնության և քարոզչության գաղափարական և նյութական խրախուսման համար։
