Թրամփը ևս 90 օրով հետաձգել է Մեքսիկայի հետ առևտրային համաձայնագրի կնքումը
ԱՄՆ նախագահ Դոնալդ Թրամփն այսօր հայտարարել է, որ Միացյալ Նահանգները և Մեքսիկան համաձայնության են եկել առևտրային համաձայնագրի վերջնաժամկետը ևս 90 օրով հետաձգելու հարցում։
Հայտարարությունը հրապարակվել է տասնյակ երկրներից ներմուծման վրա ավելի բարձր, այսպես կոչված, փոխադարձ մաքսատուրքերի ուժի մեջ մտնելուց մեկ օր առաջ։
«Մեքսիկայի հետ կնքված համաձայնագրի մարտահրավերները որոշ չափով տարբերվում են մյուս երկրների մարտահրավերներից՝ թե՛ սահմանային խնդիրների, թե՛ ակտիվների պատճառով», – գրել է Թրամփը Truth Social-ում՝ հայտարարելով, որ հենց նոր ավարտել է Մեքսիկայի նախագահ Կլաուդիա Շեյնբաումի հետ հեռախոսազրույցը։
«ԱՄՆ-ը կշարունակի 25%-անոց մաքսատուրք սահմանել ֆենտանիլի, 25%-անոց մաքսատուրք՝ ավտոմեքենաների և 50%-անոց մաքսատուրք՝ պողպատի, ալյումինի և պղնձի նկատմամբ», – հավելել է նա։
