Ծանրամարտի կանանց և տղամարդկանց թիմերն ընդլայնված կազմով են մասնակցելու ԵԱ-ին
Հայաստանի ծանրամարտի կանանց և տղամարդկանց հավաքականները Եվրոպայի առաջնություններին կմասնակցեն ընդլայնված կազմերով:
Կանանց ընտրանու կազմում ընդգրկված են Ալեքսանդրա Գրիգորյանը, Իզաբելա Յայլյանը (55 կգ), Աննա Ամրոյանը, Միլենա Խաչատրյանը (76 կգ), Էմմա Պողոսյանը, Մարգարիտա Առաքելյանը (81 կգ), Լիանա Գյուրջյանը, Տաթև Հակոբյանը (87 կգ), Ջուլիետա Ավանեսյանը, Մերի Թումասյանը (+87 կգ):
Տղամարդկանց հավաքականն ունի հետևյալ տեսքը` Գառնիկ Չոլակյան (61 կգ), Գոռ Սահակյան (73 կգ), Ռաֆիկ Հարությունյան (81 կգ), Սուրեն Գրիգորյան, (89 կգ) (նույն քաշում Մնացական Աբրահամյանը պահեստային է), Դավիթ Հովհաննիսյան (96 կգ), Արա Աղանյան, Պետրոս Պետրոսյան (102 կգ), Սիմոն Մարտիրոսյան, Գարիկ Կարապետյան (109 կգ), Վարազդատ Լալայան (+109 կգ):
Ծանրամարտի Եվրոպայի առաջնությունն այս տարի կկայանա Մոլդովայի մայրաքաղաք Քիշնևում` ապրիլի 13-21-ը:
