Նեյմարը կրկին չի մասնակցի հավաքականի խաղերին. հայտնի է պատճառը
Բրազիլիայի հավաքականի հարձակվող Նեյմարը չի մասնակցի ԱԱ-2026-ի ընտրական փուլում Կոլումբիայի (մարտի 21) և Արգենտինայի (մարտի 26) դեմ հանդիպումներին:
Բժշկական հետազոտություններից հետո որոշվել է, որ 33-ամյա ֆուտբոլիստը պետք է շարունակի վերականգնվել: Նա հայտնել է, որ մոտ էր հավաքական վերադարձին, բայց պետք է լիովին ապաքինվի:
«Կարծես, վերադարձս Բրազիլիայի հավաքական արդեն մոտ էր, բայց, ցավոք, այս պահին չեմ կարող հագնել աշխարհի ամենածանրակշիռ մարզաշապիկը։ Երկար քննարկումներից հետո որոշեցինք չվտանգել առողջությունս և լիովին ապաքինվել։ Դա անհրաժեշտ է։ Շնորհակալ եմ բոլորին աջակցության համար», – գրել է Նեյմարը սոցիալական ցանցերում։
Նեյմարը վերջին անգամ ազգային թիմում խաղացել է 2023-ի հոկտեմբերին՝ Ուրուգվայի դեմ (0:2): Նրա հաշվին 128 հանդիպում և 79 գոլ է Բրազիլիայի հավաքականի կազմում:
