Լենինգրադի մարզում անօդաչուները հարձակվել են «Կինեֆ» նավթավերամշակման գործարանի վրա
Լենինգրադի մարզի Կիրիշի քաղաքում մարտի 8-ին անօդաչու թռչող սարքերով (ԱԹՍ) հարված է հասցվել «Կինեֆ» («Կիրիշինեֆտեորգսինթեզ») նավթավերամշակման գործարանին։ Այս մասին «Տելեգրամ»-ի իր ալիքում հայտնել է մարզի նահանգապետ Ալեքսանդր Դրոզդենկոն։
Նրա խոսքով՝ անօդաչուներից մեկը խոցվել է թռիչքի ժամանակ, մյուսը ոչնչացվել է գործարանի տարածքում։
Բեկորների ընկնելու հետևանքով վնասվել է գործարանի պահեստներից մեկի արտաքին կառուցվածքը։
Նահանգապետը նշել է, որ վնասների հետևանքների վերացման աշխատանքներն արդեն ընթանում են։ Զոհեր և տուժածներ չկան։
