![](/banners/BeFunky-design.jpg)
«Վարդաշեն» ՔԿՀ-ի ծառայողները կարճատև տեսակցության եկած քաղաքացու մոտից հայտնաբերել են բջջային հեռախոս
![](https://168.am/wp-content/uploads/2024/10/imgonline-com-ua-Resize-JLKNhX4tqYcb.jpg)
ՀՀ ԱՆ «Վարդաշեն» քրեակատարողական հիմնարկի անվտանգության ապահովման բաժնի ծառայողները տեղեկություններ էին ստացել այն մասին, որ կարճատև տեսակցության նպատակով հիմնարկ է այցելելու քաղաքացի և փորձելու է կալանավորված անձին բջջային հեռախոս փոխանցել։
Իրացնելով ստացված տեղեկությունները՝ նույն բաժնի ծառայողները հոկտեմբերի 30-ին՝ ժամը 12։05-ի սահմաններում, անձնական խուզարկության են ենթարկել կալանավորված անձ Ս․Կ․-ի եղբորը՝ քաղաքացի Ա․Կ․-ին։ Խուզարկության արդյունքում Ա․Կ․-ի մոտից հայտնաբերվել է բջջային հեռախոս։
Դեպքի առթիվ նախաձեռնվել է վարչական վարույթ։