Անդրես Ինիեստան մարզչական դասընթացների է մասնակցում
Իսպանիայի ֆուտբոլի ազգային թիմի նախկին կիսապաշտպան Անդրես Ինիեստան մարզչական դասընթացների է մասնակցում:
Այս մասին գրում են միջազգային ԶԼՄ-ները: Անդրես Ինիեստան, որն օրեր առաջ էր հայտարարել պրոֆեսիոնալ կարիերան ավանրտելու մասին, այժմ մասնակցում է մարզչական դասերի:
Անդրես Ինիեստան Իսպանիայի հավաքականի կազմում դարձել է 2010 թվականի ֆուտբոլի աշխարհի առաջնության չեմպիոն` եզրափակչում դառնալով հաղթական գոլի հեղինակ:
2008 և 2012 թվականներին Իսպանիայի հավաքականի կազմում նա նվաճել է Եվրոպայի չեմպիոնի կոչումը: Կիսապաշտպանը կարիերայի հիմնական մասն անցկացրել է կատալոնական «Բարսելոնա»-ի կազմում` ակումբում նվաճելով համաշխարհային ֆուտբոլի բոլոր կարևորագույն տիտղոսները:
