ՀԱՄԱՍ-ը հրթիռակոծել է Թել Ավիվը, կա 2 վիրավոր

Պաղեստինյան ՀԱՄԱՍ արմատական շարժումը հինգ հրթիռ է արձակել Թել Ավիվի վրա, որի հետևանքով երկու կին թեթև բեկորային վնասվածք է ստացել։ Այս մասին հաղորդում է The Times of Israel-ը։Երկու վիրավորները տեղափոխվել են հիվանդանոց։

Թել Ավիվում և մերձակա քաղաքներում օդային տագնապի շչակներ են գործարկվել։

Իսրայելի պաշտպանության բանակը (ԻՊԲ) հայտնել է, որ հինգ հրթիռներն արձակվել են Գազայի  հարավային Խան Յունիս քաղաքի կողմից։

ՀԱՄԱՍ-ն իր հերթին պատասխանատվություն է ստանձնել հրթիռակոծության համար։

ԻՊԲ-ն ավելի վաղ նախազգուշացրել էր, որ ՀԱՄԱՍ-ն, ամենայն հավանականությամբ, հրթիռային հարվածներ կհասցնի Իսրայելի կենտրոնական շրջաններին հոկտեմբերի 7-ին՝ շարժման հարձակման մեկ տարվա տարելիցի օրը։