Թրամփը կարծում է, որ եթե չհաղթի ընտրություններում, իրեն բանտ կնստեցնեն. Ադամ Շիֆ
ԱՄՆ կոնգրեսական Ադամ Շիֆը կիրակի օրը կրկնել է ԱՄՆ նախագահ Ջո Բայդենի՝ անցյալ շաբաթ ասված խոսքերն այն մասին, որ առաջիկա ընտրությունները կլինեն «ազատ և արդար», բայց, հնարավոր է «խաղաղ» չլինեն։
Նա ենթադրել է, որ ԱՄՆ նախկին նախագահ և Հանրապետական կուսակցությունից նախագահի թեկնածուն կվիճարկի ընտրությունների արդյունքները, եթե իրենք պարտություն կրեն։
«Եթե նա մոտ լինի, եթե Դոնալդ Թրամփը կրկին պարտվի, ինչը ես ակնկալում եմ, որ այդպես էլ կլինի, նա կվիճարկի այն,- ասել է Շիֆը NBC News-ին:- Նա ավելի շատ պատճառներ ունի վիճարկելու արդյունքները, քան նախկինում, ոչ թե ընտրություններում թերացումների պատճառով, այլ որովհետև Դոնալդ Թրամփը կարծում է, հավանաբար հիմնավոր պատճառներով, որ եթե ընտրություններում հաջողության չհասնի, նրան կարող են բանտ նստեցնել: Դրա համար էլ, նա վիճարկելու է արդյունքները»:
«Նախագահի ասածը չափազանց ճշգրիտ էր՝ ցնցող, տպավորիչ, ողբերգականորեն ճշգրիտ, և դա նշանակում է, որ այո, ես կարծում եմ, որ ընտրությունները կլինեն ազատ և արդար, բայց ի վերջո դրանք ազատ կլինե՞ն բռնությունից»,- ասել է կոնգրեսականը։
Շիֆը հիշեցրել է 2021 թվականի հունվարի 6-ի Կապիտոլիումի խռովությունը՝ որպես բռնության օրինակ, որը ծավալվեց Թրամփի անհիմն պնդումներից հետո, թե 2020 թվականի ընտրություններն իրենից գողացել են։
«Սա Դոնալդ Թրամփի ժառանգությունն է, որի պատճառով մենք այժմ չենք կարող գնալ ընտրությունների՝ լիակատար վստահությամբ, որ արդյունքները կլինեն խաղաղ», – ասել է քաղաքական գործիչը։
