Որքա՞ն ժամանակ բաց կթողնի Դանի Կարվախալը
Մադրիդի «Ռեալի» իսպանացի պաշտպան, թիմի ավագ Դանիել Կարվախալը սոցիալական ցանցերում արած գրառումով հայտնել է, որ մի քանի ամիս չի կարողանա դուրս գալ խաղադաշտ։
«Ծնկի խաչաձեւ կապանների լուրջ վնասվածքը հաստատվեց։ Ստիպված կլինեմ վիրահատվել եւ բաց թողնել մի քանի ամիս։ Արդեն անհամբեր սպասում եմ վերականգնողական փուլի սկզբին եւ ավելի ուժեղ վերադառնալուս։ Բոլորին շնորհակալ եմ հաղորդագրությունների համար։ Զգում եմ ձեր սերը»,- գրել է Կարվախալը։
Դանի Կարվախալը ծնկի վնասվածք ստացել էր «Վիլյառեալի» դեմ Իսպանիայի առաջնության 9-րդ տուրի հանդիպման ավելացված ժամանակում։ Նրան պատգարակով էին դուրս բերել խաղադաշտից։ «Ռեալը» հաղթել էր 2:0 հաշվով։
Ընթացիկ մրցաշրջանում Կարվախալը բոլոր մրցաշարերում մասնակցել է 11 հանդիպման, խփել է 1 գոլ, կատարել 1 գոլային փոխանցում։
