Արարատ Միրզոյանը հաջողություն է մաղթել Օլիմպիական խաղերին մասնակցող Հայաստանի թիմին
Հայաստանի Հանրապետության արտաքին գործերի նախարար Արարատ Միրզոյանը հաջողություն է մաղթել Ֆրանսիայի մայրաքաղաք Փարիզում անցկացվող Օլիմպիական խաղերում Հայաստանը ներկայացնող թիմի մարզիկներին։
Այս մասին ՀՀ ԱԳ նախարարը X-ի իր միկրոբլոգում գրառում է կատարել՝ կից հրապարակելով Հայաստանի թիմի ողջույնի տեսանյութը։
«Ամենայն հաջողություն Փարիզում մեկնարկած Օլիմպիական խաղերին մասնակցող մեր մարզիկներին։
Շնորհակալություն մեր ֆրանսիացի ընկերներին խաղերը հյուրընկալելու և դրանք հիանալի դարձնելու ջանքերի համար», – նշված է Միրզոյանի գրառման մեջ:
