Եթովպիայում սողանքների զոհերի թիվ, ըստ ՄԱԿ-ի, կարող է հասնել 500-ի
Եթովպիայում օրերս տեղի ունեցած սողանքների զոհերի թիվը հասել է 257-ի, սակայն այդ թիվն, ըստ ՄԱԿ-ի հումանիտար հարցերի համակարգման վարչության, կարող է աճել՝ հասնելով 500-ի։
Այս մասին հաղորդում է Reuters գործակալությունը։Հարավային Եթովպիայի նահանգի Գոֆայի գոտում հորդառատ անձրևներից հետո հուլիսի 21-ի գիշերը սողանք էր տեղի ունեցել՝ բազմաթիվ մարդկանց թողնելով հողի շերտի տակ։ Այնուհետև՝ հուլիսի 22-ի առավոտյան, երբ մարդիկ հավաքվել էին մյուսներին օգնության, տեղի էր ունեցել երկրորդ սողանքը։
