«Կիրանցեցի լինելը չի ստուգվում». Բացվել է դեպի Կիրանց տանող ճանապարհը
Քիչ առաջ բացվել է դեպի Կիրանց գյուղ տանող ճանապարհը։ Գյուղ տանող մուտքը բաց է, և բոլորն անարգել կարող են մտնել Կիրանց։ Այս մասին 168.am-ի հետ զրույցում տեղեկացրեց Կիրանցի բնակիչներից մեկը:
«10 րոպե առաջ եմ Սարիգյուղից եկել Կիրանց, ճանապարհը բաց էր, կիրանցեցի լինելը չէին ստուգում»,- ասաց նա:
Ոստիկանական ավտոբուսները թեև հեռանում են գյուղից, սակայն միևնուն է, գյուղում շարունակում են մնալ մեծ քանակությամբ ոստիկաններ:
