Ալմաթիում երկրաշարժից 44 մարդ է տուժել

Ալմաթիում տեղի ունեցած երկրաշարժի հետևանքով բուժօգնության է դիմել 44 մարդ:

Ըստ Ղազախստանի առողջապահության նախարարության մամուլի ծառայության՝ տուժածներն ունեն տարբեր տեսակի, թեթև և միջին ծանրության վնասվածքներ։ Ավելի վաղ հաղորդվել էր 8 տուժածի մասին։

Ղազախստանի արտակարգ իրավիճակների նախարարությունից հայտնել են, որ երկրաշարժի էպիկենտրոնը գտնվել է Ալմաթիից 264 կմ հեռավորության վրա։

Չինաստանի արևմտյան Սինծիան նահանգում տեղի ժամանակով գիշերը ժամը 02։09-ին 7,1 մագնիտուդով երկրաշարժ է գրանցվել, որը զգացվել է նաև Ղրղզստանում և Ղազախստանում։