Էստոնիայում ուսուցիչների անժամկետ գործադուլ է սկսվում
Էստոնիայում հունվարի 22-ին անժամկետ գործադուլ են սկսել հանրակրթական դպրոցների ուսուցիչները, որոնք պահանջում են աշխատավարձի բարձրացում:
«Գործադուլին կմասնակցի 330 դպրոց և 9471 ուսուցիչ», – հայտնել է Էստոնիայի կրթական բնագավառի աշխատողների արհմիությունը (EHL):
Հունվարի 24-ին համերաշխության եռօրյա գործադուլով նրանց կմիանան նախադպրոցական հաստատությունների, արհեստագործական ուսումնարանների և ուսումնական հաստատությունների աշխատողները։
Բողոքի մասնակիցների ընդհանուր թիվը կկազմի ավելի քան 18 000 մարդ։
Հունվարի 22-ին Տալլինում խորհրդարանի շենքի մոտ կկայանա բողոքի ցույց, իսկ հունվարի 24-ին նմանատիպ հանրահավաք կանցկացվի ուսանողական Տարտու քաղաքում։
Մանկավարժների միությունը ցանկանում է ուսուցիչների նվազագույն աշխատավարձը հասցնել 1835 եվրոյի և պետության հետ երկարաժամկետ համաձայնագիր կնքել, որը երաշխավորում է մինչև 2027 թ. ուսուցիչների միջին աշխատավարձը սահմանել երկրում միջին աշխատավարձի 120 տոկոսի չափով։
Ըստ սոցիոլոգիական հարցումների՝ Էստոնիայի քաղաքացիների 67 տոկոսն աջակցում է ուսուցիչների գործադուլին։
