Հորատման սարքը վնասել է Ստամբուլի մետրոյի թունելներից մեկը
Շինարարական աշխատանքների ժամանակ հորատման սարքը վնասել է Ստամբուլի մետրոյի թունելներից մեկը, որը տանում է քաղաքից հյուսիս ընկած նոր միջազգային օդանավակայան: Զոհեր չկան։
Ինչպես հաղորդում է «ՌԻԱ Նովոստի»-ն, այս մասին հայտնում է թուրքական լրատվամիջոցը:
Ըստ լրատվամիջոցի՝ ողբերգությունը կանխվել է վերջին պահին. գնացքը կանգ է առել էլեկտրաէներգիայի անջատման պատճառով:
M11 գիծը շահագործման է հանձնվել 2023 թվականի հունվարին: Այդ գծում գնացքների արագությունը հասնում է ժամում 120 կիլոմետրի։
