Մեծ Բրիտանիայում ստեղծվել է ստորաբաժանում, որը պայքարելու է Ռուսաստանի, Իրանի և Չինաստանի սպառնալիքների դեմ
Լոնդոնի ոստիկանությունը նոր ստորաբաժանում է ստեղծել՝ պայքարելու Ռուսաստանի, Չինաստանի և Իրանի սպառնալիքների դեմ։ Ինչպես տեղեկացնում է «Lenta.ru»-ն, այդ մասին հայտնել է բրիտանական ոստիկանության ղեկավարի հատուկ գործողությունների գծով օգնական Մեթ Ջուքսը։
«Մեծ Բրիտանիան սառը պատերազմից ի վեր բախվում է հակոտնյա պետություններից՝ Իրանից, Ռուսաստանից և Չինաստանից եկող ամենասուր սպառնալիքներին։ Ոստիկանության ծանրաբեռնվածությունը լրտեսության և արտաքին միջամտության դեմ պայքարելու նպատակով քառապատկվել է 2018 թվականին Սոլսբերիում տեղի ունեցած միջադեպից հետո»,- ասել է Ջուքսը։
Նա նոր ստորաբաժանումն անվանել է քննչական խումբ՝ հավելելով, որ այն կաշխատի հետախուզական ծառայությունների հետ համատեղ:
