Սյունիքի մարզում փրկարարներն արգելափակումից դուրս են բերել բեռնատարներ
Հունվարի 12-ին, ժամը 19:12-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Տաթև-Լծեն-Սիսիան ավտոճանապարհին բեռնատարներ են արգելափակվել. անհրաժեշտ է փրկարարների օգնությունը:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի Աղվանիի հենակետից մեկ մարտական հաշվարկ։
Ինչպես տեղեկանում ենք ՆԳՆ ՓԾ տարածած հաղորդագրությունից՝ փրկարարներն արգելափակումից դուրս են բերել «Volvo» մակնիշի բեռնատարը։
Ժամը 21:15-ից մինչև 02:35-ը փրկարարներն արգելափակումից դուրս են բերել ևս 4 բեռնատար։
