Հայկ Ք.-ն ձերբակալվել է Սանկտ Պետերբուրգ-Երևան չվերթի ինքնաթիռի ժամանումից հետո
ՆԳՆ ոստիկանության Վաղարշապատի բաժնի քրեական հետախույզները, իրացնելով օպերատիվ տվյալները, հունվարի 8-ին, ժամը 21.20-ին, Սանկտ Պետերբուրգ-Երևան չվերթի ինքնաթիռի ժամանումից հետո «Զվարթնոց օդանավակայանում հայտնաբերել և բաժին են տեղափոխել 32-ամյա Հայկ Ք.-ին:
Նա հետախուզվում էր ՀՀ նախկին քրեական օրենսգրքի 112-րդ (Դիտավորությամբ առողջությանը ծանր վնաս պատճառելը) և 254-րդ (Համակարգչային տեղեկատվությանն ապօրինի տիրանալը) հոդվածների մեղադրանքով:
Խափանման միջոցը՝ կալանք:
