«Արարատ»-ն ու «Փյունիկ»-ը վերսկսել են մարզումները
Հայկական ակումբները տոնական դադարից հետո վերսկսել են մարզումները:
Հունվարի 8-ին «Արարատ»-ը վերսկսել է մարզումները Ձորաղբյուրի մարզաբազայում՝ Ռաֆայել Նազարյանի գլխավորությամբ պատրաստվելով մրցաշրջանի երկրորդ հատվածին:
Մինչև առաջնության վերսկսումն «Արարատ»-ը հինգ ստուգողական հանդիպում կանցկացնի: Հունվարի 20-ին «Արարատ»-ի մրցակիցը կլինի «Վեսթ Արմենիա»-ն, հունվարի 27-ին և փետրվարի 3-ին՝ «Վան»-ը, փետրվարի 10-ին՝ ԲԿՄԱ-ն, իսկ փետրվարի 17-ին «Շիրակ»-ը:
Արձակուրդից վերադարձել է նաև Երևանի «Փյունիկ»-ը:
Հայաստանի ֆուտբոլի առաջնությունը կվերսկսվի փետրվարի երկրորդ կեսին:
