Ֆոն դեր Լեյենը հայտարարել է ԵՄ ընդլայնման նախապատրաստման մասին
Եվրահանձնաժողովը կգնահատի, թե ինչպես է Եվրամիությունը գործելու նոր անդամների անդամակցությունից հետո:
Այդ մասին ասել է Եվրահանձնաժողովի ղեկավար Ուրսուլա ֆոն դեր Լեյենը։
«Հանձնաժողովը կսկսի աշխատել նախընդլայնման քաղաքականության վերանայման վրա՝ հասկանալու համար, թե ինչպես է յուրաքանչյուր տարածաշրջան հարմարվելու ընդլայնված միությանը», – ասել է նա:
Նշված աշխատանքի շրջանակում անհրաժեշտ կլինի որոշել Եվրախորհրդարանի, Եվրահանձնաժողովի և ԵՄ այլ կառույցների գործունեության սկզբունքները, ինչպես նաև քննարկել բյուջետային հարցեր։
Եվրահանձնաժողովի ղեկավարը վստահություն է հայտնել, որ ԵՄ-ն կկարողանա հաջողությամբ աշխատել ընդլայնված ձևաչափով և նոր անդամների միանալն անվանել է լավագույն ներդրումն ամբողջ աշխարհամասի խաղաղության, անվտանգության և բարգավաճման գործում։
Այդուհանդերձ Ուրսուլա ֆոն դեր Լեյենը չի նշել Եվրամիության ընդլայնման և Ուկրաինայի հնարավոր անդամակցության ժամկետներ։
