«Կրկնում ենք մեր կոչը՝ դեպի երկիր երկու միջանցքների բացման կարևորությունը». Պետքարտուղարություն
Միացյալ Նահանգները շարունակում Է աշխատել Հայաստանի և Ադրբեջանի միջև ստեղծված իրավիճակի կարգավորման ուղղությամբ, երեկ ճեպազրույցի ընթացքում հայտարարել է Պետդեպարտամենտի խոսնակ Մեթյու Միլլերը:
Նա վերստին շեշտել է, որ որ պետքարտուղար Էնթոնի Բլինքենն անձամբ է ներգրավված դրանում՝ միայն վերջին շաբաթվա ընթացքում բազմաթիվ ունենալով:
«Վերջին 24 ժամվա ընթացքում Աղդամի ճանապարհով Լեռնային Ղարաբաղ է անցել մարդասիրական ապրանքների մեկ խմբաքանակ, ուստի ևս մեկ անգամ կրկնում ենք մեր կոչը կոնկրետ թեմայով՝ դեպի երկիր երկու միջանցքների բացման կարևորությունը՝ որպես կարճաժամկետ, և որպես ավելի երկարաժամկետ՝ երկու երկրների վերջնական համաձայնության գալը», – ասել է Միլլերը։
Պետդեպարտամենտի խոսնակը չի պատասխանել հարցին, թե ինչպես կմեկնաբանի Ռուսաստանի նախագահ Վլադիմիր Պուտինի երեկվա հայտարարությունները, որոնք Հայաստանի վարչապետ Նիկոլ Փաշինյանին էին «մեղադրում այն ամենի մեջ, ինչ կատարվում է տվյալ պահին տարածաշրջանում»:
Տարածված կարծիք կա, շարունակել էր հարցի հեղինակը, որ Պուտինը «ջանում է օգտագործել հակամարտությունը Հայաստանի՝ ժողովրդավարական ճանապարհով ընտրված նախագահին տապալելու համար», և «եղան նաև որոշ հաղորդումներ նման գործունեությունում ներգրավվելու համար «Վագներ»-ի վարձկաններ Հայաստան ուղարկելու մասին»: «Ես չեմ արձագանքի այդ մեկնաբանությանը», – հայտարարել է Մեթյու Միլլերը:
