Խուզարկում են Գարիկ Գալեյանի տունը. 24news
24News-ի տեղեկություններով, այս պահին խուզարկություն է իրականացվում 44-օրյա պատերազմում զոհված Մխիթար Գալեյանի հոր՝ Գարիկ Գալեյանի տանը: Այնտեղ է գտնվում նաև Գալեյանի կինը՝ Աստղ Գալեյանը։ Նշենք, որ Գալեյանին ձերբակալել են այսօր։
Հիշեցնենք, որ ՀՀ քննչական կոմիտեն հուլիսի 14-ին հայտնել էր՝ Գարիկ Գալեյանի և նրա եղբոր` Արթուր Գալեյանի նկատմամբ հանրային քրեական հետապնդում է հարուցվել։
Վարույթը վերաբերում է 2022 թվականի հունիսի 30-ին ՀՀ գլխավոր դատախազության մոտ տեղի ունեցած միջադեպին զոհված զինծառայողների ծնողների ակցիայի ժամանակ Գարիկ Գալեյանը և եղբայրը՝ Արթուր Գալեյանը, հասարակական կարգը կոպիտ խախտելու ուղղակի դիտավորությամբ, հասարակության նկատմամբ անհարգալից վերաբերմունք են ցուցաբերել։
