Ստեփանակերտը հերքում է Բաքվի հերթական կեղծ մեղադրանքները
Արցախի Հանրապետության պաշտպանության նախարարությունը հերքել է Բաքվի մեղադրանքները, թե պաշտպանության բանակի ստորաբաժանումներն Ասկերանի շրջանում իբր փորձել են ամրաշինական աշխատանքներ իրականացնել, որոնք խափանվել են ադրբեջանական կողմի գործողությունների արդյունքում։
«Ադրբեջանի ՊՆ-ն հերթական ապատեղեկատվությունն է տարածել, հայտարարելով , թե իբր ՊԲ ստորաբաժանումները սեպտեմբերի 7-ին, ժամը 10:05 -ի սահմաններում փորձել են Ասկերանի շրջանում իրականացնել ամրաշինական աշխատանքներ և որոնք իբր խափանվել են»,- ասված է Արցախի պաշտպանության նախարարության տարածած հաղորդագրության մեջ։
