Թուրքիայի ԱԳ նախարարն այսօր կայցելի Իրան. կքննարկվեն տարածաշրջանային զարգացումները

Թուրքիայի արտգործնախարար Հաքան Ֆիդանն այսօր՝ սեպտեմբերի 3-ին, իր գործընկեր Հոսեյն Ամիր Աբդոլլահիանի հրավերով պաշտոնական այցով կմեկնի Իրան, հայտնում է ԻՌՆԱ գործակալությունը:

Այցի ընթացքում թուրք նախարարը Թեհրանում կանցկացնի բարձր մակարդակի շփումներ, կքննարկի բոլոր ոլորտներում հարաբերությունների բարելավման հնարավորությունները և կարծիքներ կփոխանակի տարածաշրջանային և միջազգային արդի զարգացումների վերաբերյալ։