Փարաքար գյուղում հրդեհ է բռնկվել կահույքի արտադրամասում. վեց մարտական հաշվարկ է մեկնել դեպքի վայր

Օգոստոսի 26-ին, ժամը 02։22-ին Ճգնաժամային կառավարման ազգային կենտրոն ահազանգ է ստացվել, որ Փարաքար գյուղում այրվում է կահույքի արտադրամաս։ Հայտնում են ՆԳՆ փրկարար ծառայությունից:

Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ և Հրդեհաշիջման և փրկարարական աշխատանքների կազմակերպման բաժնի հերթապահ խումբը։

Պարզվել է, որ հրդեհը բռնկվել է Փարաքար գյուղի Գասպարյան փողոցում գտնվող կահույքի արտադրամասում։

Հրդեհը մեկուսացվել է ժամը 02։47-ին, մարվել՝ 03։31-ին։ Մոտ 50 քմ տարածքում այրվել են տախտակներ (մոտ 2 խմ), թեփ (2 խմ) և ջերմահարվել են 3 հաստոց։