Դյուսելդորֆում մոտ 13 հազար մարդու են տարհանել Երկրորդ աշխարհամարտի ժամանակների ռումբի պատճառով
Դյուսելդորֆի թաղամասերից մեկում Երկրորդ համաշխարհային պատերազմի ժամանակների ամերիկյան ռումբի հայտնաբերման պատճառով մոտ 13 հազար մարդ ստիպված է եղել լքել տները։ Այս մասին քաղաքային իշխանությունները տեղեկացրել են X (նախկինում՝ Twitter) սոցիալական ցանցում հրապարակված հաղորդագրության մեջ։
«Երկրորդ համաշխարհային պատերազմի ժամանակների ամերիկյան 10 ցենտներ քաշով ռումբը, որը հայտնաբերվել է «Duesseltal/Zoo-ի շրջանում շինարարական աշխատանքների ժամանակ, կվնասազերծվի գիշերվա ընթացքում», – նշված է գրառման մեջ:
Քաղաքային իշխանությունները հայտնել են, որ ռումբը կվնասազերծվի գիշերը՝ օրվա զբաղված ժամերին տրանսպորտի աշխատանքը չխոչընդոտելու համար։
