Վարուժան Ավետիսյանի որդուն բերման են ենթարկել. նա մոտեցել էր Փաշինյանին ու Աննային
ՊՊԾ գնդի վրա հարձակման գործով «Սասնա ծռեր» խմբավորման անդամներից մեղավոր ճանաչված եւ պատիժը ՔԿՀ-ում կրող Վարուժան Ավետիսյանի որդին՝ Դավիթ Ավետիսյանը գտնվում է ոստիկանության բաժանմունքում: Այս մասին տեղեկացնում է Վարուժան Ավետիսյանի դուստրը՝ Անի Ավետիսյանը:
«Մոտ 1 ժամ առաջ «Անգլիական» այգու տարածքից առեւանգել են եղբորս` Դավիթ Վարուժանի Ավետիսյանին: Ականատեսի խոսքերով՝ եղբայրս մոտեցել է վարչապետ կոչեցյալին եւ վերջինիս տիկնոջը, իր բողոքի ձայնը բարձրացնելու նպատակով: Այնուհետեւ եղբորս քաշքշել են եւ բռնի ուժով բերման ենթարկել ու տարել անհայտ ուղղությամբ:
Երկար փնտրտուքներից հետո պարզվեց, որ եղբայրս գտնվում է Կենտրոնի Ոստիկանության բաժնում: Եղբորս հեռախոսն անջատված է եւ չենք կարողանում կապ հաստատել իր հետ: Սա քաղաքական հետապնդում է, վրեժխնդրություն եւ ուրիշ ոչինչ», – գրել է Վարուժան Ավետիսյանի դուստրը:
