Փրկարարները քաղաքացուն դուրս են բերել ձորից
Ճգնաժամային կառավարման ազգային կենտրոն մայիսի 13-ին, ժամը 14։30-ին տեղեկություն է ստացվել, որ Երևանի Արտեմ Միկոյան փողոցին հարակից ձորում քաղաքացի կա ընկած․ դուրս բերելու և շտապօգնության ավտոմեքենային մոտեցնելու համար անհրաժեշտ է փրկարարների օգնությունը։ «Արմենպրես»-ին այս մասին հայտնեցին ՀՀ ներքին գործերի նախարարության փրկարար ծառայությունից։
Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Փրկարարները Ս․ Պ․-ին (ծնված 1953 թ․) դուրս են բերել ձորից (մոտ 150 մ) և մոտեցրել շտապօգնության ավտոմեքենային։ Քաղաքացին հոսպիտալացվել է «Սուրբ Գրիգոր Լուսավորիչ» ԲԿ։
