Անգիր արած սխալ բան եք ասում. Հրաչյա Սարգսյանը՝ Արկադի Թեմուրյանին
Զորահավաքային հարցերի և քաղաքացիական պաշտպանության վարչության ղեկավար Արկադի Թեմուրյանն այսօր Երևանի քաղաքապետարանում գործակարգավարական խորհրդակցության մասնակիցներին զեկուցեց Երևանում չաշխատող հիդրանտների վերանորոգման կամ փոխարինման ուղղությամբ ձեռնարկված աշխատանքների ընթացքի մասին:
«101 հիդրանտի նախագիծ-նախահաշիվն ուղարկվել է փորձաքննության, որն այս պահին անգործության փուլում է: Կավարտվի 7-8 օրվա ընթացքում»,- ասաց Արկադի Թեմուրյանը:
Քաղաքապետ Հրաչյա Սարգսյանը հակադարձեց՝ ի՞նչն է անգործության փուլում, փորձաքննո՞ղը:
«Խառնում եք: Ենթադրում եմ, փորձաքննության մրցույթը հայտարարված է, դեռ պայմանագիր չկա կնքված, դրա համար 101 հիդրանտը հնարավոր չէ փորձաքննության ենթարկել: Ինչ որ ասել են, փորձեք բովանդակությունը հասկանալ, անգիր արած սխալ բան եք ասում»,- նշեց Հրաչյա Սարգսյանը:
