Լյուդմիլա Սարգսյանն ավագանու նիստի ժամանակ քնել էր

Ավագանու «Բարգավաճ Հայաստան» խմբակցության անդամ Լյուդմիլա Սարգսյանը հերթական անգամ քնել էր ավագանու նիստի ժամանակ։ Ու կրկին Միքայել Մանրիկյանի խոսքի ժամանակ արթնացավ։

Նման դեպք եղել էր 2021թ․ դեկտեմբերին, երբ քննարկվում էր քաղաքապետ Հայկ Մարությանին անվստահություն հայտնելու մասին հարցը։

Այսօր գումարվել էր Երևանի ավագանու տարվա առաջին նիստը և առաջին անգամ օրակարգում ընդգրկված հարցերի մասը  քաղաքապետն առաջարկում էր ներառել՝ որպես չզեկուցվող, այդ ընթացքում  ավագանու անդամների և քաղաքապետի միջև  թեժ քննարկում էր տեղի ունենում, բայց դա չէր խանգարել Լյուդմիլա Սարգսյանին հանգիստ ննջել։