Մուշավանցիների հետ խոսել ենք տարիներ շարունակ կուտակված խնդիրներից. Ավինյան
Էրեբունի վարչական շրջանի Մուշավան թաղամասում հանդիպեցի մեր քաղաքացիներին: Այս մասին ֆեյսբուքյան իր էջում գրել է Երևանի քաղաքապետի տեղակալ Տիգրան Ավինյանը:
«Խոսել ենք թաղամասի տարիներ շարունակ կուտակված խնդիրներից (կոյուղի, տրանսպորտ, թափառող շներ, ճանապարհներ), որոնց լուծման ուղղությամբ արդեն իսկ ընթանում են կամ նախատեսվում են աշխատանքներ:
Շնորհակալ եմ մուշավանցիներից ուղիղ և անմիջական շփման համար: Հետևողական ենք լինելու բոլոր աշխատանքների ժամանակին և պատշաճ կատարման ուղղությամբ»,- գրել է նա:
