Ձերբակալվել է Ադրբեջանի նախկին նախագահի նախկին խոսնակը
Ադրբեջանի նախկին նախագահ Այազ Մութալիբովի նախկին խոսնակ Թեյլոր Ֆյաթիշօղլուի (Իբրահիմով) նկատմամբ քրեական գործ է հարուցվել։
Ինչպես հաղորդում է haqqin.az-ը, Իբրահիմովը մեղադրվում է խարդախության մեջ: Ըստ մեղադրական եզրակացության՝ Իբրահիմովը, ներկայանալով որպես գլխավոր դատախազության մամուլի քարտուղար, խաբեությամբ խոշոր գումար է շորթել Աղջաբեդիի շրջանի բնակիչ Բայրամ Ալեսքերովից՝ խոստանալով օգնություն ցուցաբերել նրա ձերբակալված որդուն՝ Էլմեդդին Ալեսքերովին քրեական պատասխանատվությունից ազատելու գործում:
Բ. Ալեսքերովը դիմել է իրավապահ մարմիններին։ Իբրահիմովի դեմ քրեական գործ է հարուցվել։ Խափանման միջոց է ընտրվել կալանավորումը։
Պարբերականը նշում է, որ մի քանի տարի առաջ Իբրահիմովը մեղավոր է ճանաչվել Աղդամի շրջանի գործադիր իշխանության նախկին ղեկավար Ռագիբ Մամեդովի անունից խարդախության մեջ եւ Բաքվի ծանր հանցագործությունների դատարանի կողմից դատապարտվել է 4 տարի 6 ամիս ազատազրկման:
