Արսեն Ջուլֆալակյանը Միջազգային օլիմպիական կոմիտեում արժանացել է հատուկ պատվոգրի
Օլիմպիական խաղերի արծաթե մեդալակիր, աշխարհի և Եվրոպայի չեմպիոն Արսեն Ջուլֆալակյանը այցելել է Միջազգային օլիմպիական կոմիտե:
«Որպես Օլիմպիական խաղերի եռակի մասնակից հրավիրված էի Միջազգային օլիմպիական կոմիտեի մարզիկների բաժին` գրառում կատարելու «Օլիմպիական պատին»: Արժանացա նաև հատուկ պատվոգրի»,- սոցցանցերի իր էջերում գրել է Ջուլֆալակյանը:
Վերջինս հանդիպումը բնութագրել է որպես էմոցիոնալ և ՄՕԿ-ն անվանել ամենակայուն կառույցներից մեկն աշխարհում: Արսեն Ջուլֆալակյանը առաջին հայ մարզիկն է, ով գրառում է կատարել ՄՕԿ-ի մարզիկների «պատին»:
