Ադրբեջանում շարունակվում են առասպելական իրանցիների որոնումները
Ադրբեջանի արտաքին գործերի նախարար Ջեյհուն Բայրամովը շարունակում է զայրանալ Իրանի քաղաքացիների Արցախ այցելություններից։ Դժգոհության հերթական չափաբաժինը նախարարը հնչեցրել է այսօր։
Ադրբեջանական լրատվամիջոցների տեղեկացմամբ՝ Բայրամովն ասել է, որ «ոչ ոք ադրբեջանական կողմին չի ներկայացրել որեւէ բացատրություն այս առիթով»։ «Ոչ ոք չի բացատրել մեզ, թե ովքեր են այդ 27 մարդիկ, ինչ են անում մեր տարածքում»,- հերթական տարածքային նկրտումն է ներկայացրել Բայրամովը։
Անցած տարվա դեկտեմբերին, Իրանի քաղաքացիների կողմից Արցախ այցելելու մասին տեղեկության հայտնվելուց հետո, Ադրբեջանում Իրանի Իսլամական Հանրապետության դեսպանություն էր ուղարկվել նոտա՝ բացատրությունների պահանջով։
