ՌԴ իրավապահների կողմից հետախուզվող 28-ամյա երիտասարդը հայտնաբերվել է Վանաձորում
Ոստիկանության ՔՈԳՎ, Բազումի բաժնի և Լոռու մարզային վարչության քրեական հետախույզների համատեղ ձեռնարկած օպերատիվ-հետախուզական միջոցառումների արդյունքում հունվարի 14-ին Վանաձոր քաղաքի Մաշտոցի փողոցում հայտնաբերվել և Բազումի բաժին է տեղափոխվել 28-ամյա Նարեկ Բ.-ն, որը դեկտեմբերի 30-ից ՌԴ Դմիտրովսկու շրջանի ոստիկանության կողմից հետախուզվում էր ՌԴ քրեական օրենսգրքի 264-րդ հոդվածի (ՃՏՊ, որը պատճառել է ծանր մարմնական վնասվածք) մեղադրանքով:
Հայտնաբերման մասին հայտնվել է հետախուզումը նախաձեռնողին և Լոռու մարզի դատախազությանը:
Խափանման միջոցը՝ ստորագրություն:
