Շվեյցարական ստարտափը մարտահրավեր է նետում Apple-ին և Google-ին

Apostrophy AG-ն Android-ի և iOS-ի այլընտրանք է մշակում: Ցանցում արդեն հայտնվել են նոր օպերացիոն համակարգի առաջին սքրինշոթերը և նրա հիմնական հնարավորությունների մասին տվյալները։

Նոր ՕՀ-ն կոչվում է AphyOS: Մշակող ընկերությունը պնդում է, որ ավելի մեծ ուշադրություն է դարձնում օգտատերերի անվտանգությանը, քան Apple-ի և Google-ի ժամանակակից գործընկերները:

Մեկ այլ էական տարբերություն շուկայի այլ առաջարկներից այն է, որ ՕՀ-ն աշխատում է բաժանորդագրությամբ: Ինչպես հայտնում է Bloomberg-ը, Apostrophy AG-ն նախատեսում է բաժանորդային վճարներ գանձել ծրագրային ապահովման և ծառայությունների օգտագործման համար։ Գինը դեռ չի հայտարարվել։

Հայտնի է, որ ժամանակակից օպերացիոն համակարգերի անալոգը ստեղծվել է GrapheneOS բաց կոդով համակարգի հիման վրա։ AphyOS-ով սարքերում աջակցություն կլինի Android-ի ծրագրերին, սակայն պետք չէ սպասել սեփական Google Play հավելվածների խանութին և ներկառուցված Google Mobile Services-ին:

Apostrophy AG-ն շվեյցարական ստարտափ է: Այն ներառում է ծրագրավորողներ, որոնք ներգրավված են KaiOS-ի՝ Linux-ի վրա հիմնված բջջային օպերացիոն համակարգի ստեղծման մեջ: Այժմ ընկերությունում աշխատում է ավելի քան 50 աշխատակից ամբողջ աշխարհում։

Apostrophy AG-ի հիմնադիրը Փեթեր Նեբին է, ով 2008 թվականից պատկանում է Punkt բջջային հեռախոսների ապրանքանիշին։ Նրա ընկերությունն այս տարի արդեն 10 միլիոն եվրո է ներգրավել ներդրողներից։

Սիրարփի Աղաբաբյան