Մունդիալ-2022. Շվեյցարիան նվազագույն հաշվով հաղթեց Կամերունին
Ֆուտբոլի աշխարհի առաջնության G խմբի առաջին տուրի խաղում Շվեյցարիայի հավաքականը մրցեց Կամերունի ընտրանու հետ:
Ալ Վակրան քաղաքի «Ալ Ջանուբ» մարզադաշտում կայացած խաղի առաջին կեսում երկու թիմերը մի շարք հնարավորություններ ունեին խաղի հաշիվը բացելու համար, սակայն գրոհներն արդյունավետ եզրափակելու համար երկու թիմերին էլ ինչ-որ բան խանգարում էր:
Վիճակագրությամբ Շվեյցարիայի հավաքականը չնչին առավելություն ուներ՝ 46/44 հարաբերակցությամբ:
Երկրորդ կեսի մեկնարկում Շվեյցարիան անմիջապես բացեց խաղի հաշիվը: Գոլն իր ակտիվում գրանցեց Էմբալոն: Կամերունի հավաքականին այդպես էլ չհաջողվեց հետ բերել կորցրածը: Շվեյցարիա-Կամերուն՝ 1:0: Խմբի առաջին տուրի մյուս խաղը կկայանա Երևանի ժամանակով 23:00-ին: Միմյանց դեմ կխաղան Բրազիլիայի և Սերբիայի հավաքականները:
Այս խմբի երկրորդ տուրում կկայանան Կամերուն-Սերբիա, Բրազիլիա-Շվեյցարիա խաղերը (նոյեմբերի 28):
