Կյանքից հեռացել է ՀԽՍՀ առողջապահության նախկին նախարար Արտաշես Ազնաուրյանը
Կյանքից հեռացել է անվանի բժիշկ, բժշկական գիտությունների դոկտոր, պրոֆեսոր, 1989 – 90 թվականների ՀԽՍՀ առողջապահության նախարար Արտաշես Ազնաուրյանը։ Այս մասին «Ֆեյսբուք»-ի իր էջում գրել է Առողջապահության նախարար Անահիտ Ավանեսյանը:
«Մեծ է Արտաշես Ազնաուրյանի ավանդը թե՛ որպես բժիշկ – հյուսվածքաբանի, թե ՛ որպես առողջապահական համակարգի կազմակերպչի։
Ազնաուրյանը տասնյակ տարիներ բժիշկների մի քանի սերունդ է կրթել, ղեկավարել ԵՊԲՀ հյուսվածքաբանության ամբիոնը։
Ցավակցությունս եմ հայտնում ակադեմիկոսի ընտանիքին ու հարազատներին»,- գրել է Ավանեսյանը:
