Հայտնաբերվել է 90 գրամից ավելի մարիխուանայի նմանվող զանգված
Արարատի մարզային քննչական վարչությունում շրջանառությունն արգելված թմրամիջոցներ, հոգեմետ, խիստ ներգործող կամ թունավոր նյութեր պարունակող բույսեր ցանելու կամ աճեցնելու հատկանիշներով նախաձեռնված քրեական վարույթների շրջանակներում քննչական մարմնի և ոստիկանության Արտաշատի բաժնի ծառայողները, դատարանի որոշմամբ, խուզարկություն են կատարել երկու բնակարանում։ Մի տեղից հայտնաբերվել է մարիխուանայի նմանվող զանգված՝ 80 գրամից ավելի քաշով, մյուսից՝ 15 գրամից ավելի քաշով մարիխուանայի նմանվող զանգված։
Հայտնաբերվածն առգրավվել է։
Հանգամանքները նախաքննությամբ պարզվում են։
