Տապը Վրաստանում կպահպանվի մինչեւ աշնան սկիզբը
Շոգ եղանակը Վրաստանի տարածքում կպահպանվի մինչեւ սեպտեմբերի 1-ը: Այդ մասին ասվում է Շրջակա միջավայրի ազգային գործակալության հաղորդագրության մեջ:
Օդի ջերմաստիճանը հարթավայրում կկազմի պլյուս 31-ից մինչեւ պլյուս 36 աստիճան:
Բարձր ջերմաստիճանի ֆոնին Արեւմտյան Վրաստանի առանձին շրջաններում սպասվում է թույլ անձրեւ, իսկ երկրի արեւելյան մասում լինելու է առանց տեղումների եղանակ:
Ուժեղ քամին կպահպանվի օգոստոսի 26-27-ին՝ Կոլխիդայի ցածրադիր վայրում, Զեմո Իմերեթիի տարածքում, Սեւ ծովի առափնյա շրջաններում, ինչպես նաեւ Գորի-Սուրամի հատվածում եւ երկրի առանձին լեռնային շրջաններում:
Քամու ուժը կթուլանա օգոստոսի 28-ից:
Թբիլիսիում օդերեւութաբանները նույնպես կանխատեսում են առանց տեղումների եղանակ: Օդի ջերմաստիճանը մայրաքաղաքում կկազմի պլյուս 34-ից մինչեւ պլյուս 36 աստիճան, հաղորդել է Sputnik-ը:
