Երևանի քաղաքապետն ու ՀՀ-ում Ղազախստանի դեսպանը մտքեր են փոխանակել երկկողմ հետաքրքրություն ներկայացնող հարցերի շուրջ
Երևանի քաղաքապետ Հրաչյա Սարգսյանը հանդիպել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան Բոլատ Իմանբաևի հետ:
Ինչպես հայտնում են քաղաքապետարանից, առանձնակի կարևորելով գործընկերային հարաբերությունների զարգացումը Երևանի և Ղազախստանի քաղաքների միջև՝ քաղաքապետ Հրաչյա Սարգսյանը նկատել է, որ հստակ ծրագրերի և նախագծերի իրագործման համար առկա է մեծ հնարավորություն: Նա ներկայացրել է նաև քաղաքային տնտեսության այն ոլորտները, որոնց բարեփոխման համար Երևանը կարող է աշխատանքներ տանել գործընկեր քաղաքների և կազմակերպությունների հետ՝ ուսումնասիրելով վերջինների հաջողված փորձը:
Շնորհակալություն հայտնելով ջերմ ընդունելության ու գործակցության պատրաստակամության համար՝ Բոլատ Իմանբաևն իր հերթին նշել է, որ իր լիազորությունների շրջանակում պատրաստակամ է աջակցելու և օժանդակելու երկուստեք կապերի ամրապնդմանն, ու խորացմանը՝ միտված բոլոր նախաձեռնություններին և ծրագրերին: Դեսպանն անդրադարձել է նաև մի շարք ընկերությունների գործունեությանը, որը կարող է հետաքրքրել Երևանին:
Զրուցակիցները մտքեր են փոխանակել նաև երկկողմ հետաքրքրություն ներկայացնող այլ հարցերի շուրջ:
