Ադրբեջանական բանակը մտել է Բերձոր, Սուս և Աղավնո. Ալիև
Ադրբեջանական բանակն ուրբաթ օրը մտել ու տեղակայվել է Արցախի Քաշաթաղի շրջանի Բերձոր վարչական կենտրոնում, Աղավնո և Սուս գյուղերում (Լաչին)։ Ինչպես փոխանցում է «Ինտերֆաքսը», այս մասին հայտարարել է Ադրբեջանի նախագահ Իլհամ Ալիևը։
«Այսօր՝ օգոստոսի 26-ին, մենք՝ ադրբեջանցիներս, վերադարձել ենք Լաչին քաղաք (օկուպացված Բերձոր։- խմբ.)։ Ադրբեջանական բանակը տեղակայվել է Լաչին քաղաքում, վերցված են վերահսկողության տակ Զաբուխ (Աղավնո) և Սուս գյուղերը»,- թվիթերի իր էջում գրել է նա։
