Ռուսական կինոյի օրերն առաջին անգամ կանցկացվեն Հայաստանում

IVI առցանց կինոթատրոնը կդառնա Հայաստանում ռուսական ֆիլմերի օնլայն փառատոնի անցկացման հարթակը Հայաստանում, որը տեղի կունենա օգոստոսի 22-ից սեպտեմբերի 12-ը: Ռուսական հայտնի սերիալներն ու ֆիլմերը կթարգմանվեն հայերեն և հասանելի կլինեն IVI-ում անվճար՝ RFFAM* հատուկ պրոմո կոդով։

Ռուսական կինոյի օրերը Russian Film Festival բրենդի ներքո շարունակում է ընդլայնել աշխարհագրությունը, և այս տարի առաջին անգամ կանցկացվի Հայաստանում։ Հեռուստադիտողը կվայելի ռուսական կինեմատոգրաֆի ամենաթեժ սերիալներն և կինոհիթերը հայերեն ենթագրերով։

Փառատոնի ծրագիրը ներառում է հինգ ռուսական ֆիլմ՝ IVI Originals շարքի սերիալային հիթերը՝ «Եվ կրկի՛ն բարև ձեզ» Անդրեյ Մերզլիկինի գլխավոր դերակատարմամբ եւ Աննա Մելիքյանի «Քնքշություն» մելոդրամատիկ սերիալը, քվեստ այն մասին, թե ինչպես վճարել հիփոթեքը «Ընտանեկան բյուջե» կատակերգությունում, ինչպես նաեւ «Սուպեր Մյաու», եւ «Երկու պոչ» մուլտֆիլմերի հմայիչ հերոսների արկածները:

Ռուսական կինոյի օրերը Հայաստանում կազմակերպել է «ՌՈՍԿԻՆՈ» ընկերությունը Ռուսաստանի Դաշնության մշակույթի նախարարության աջակցությամբ։

IVI-ի բաժանորդների համար դիտումը հասանելի է հետևյալ հղումով:

Նրանց համար, ովքեր դեռ գրանցված չեն IVI-ում, հնարավորություն է ընձեռվում ակտիվացնել RFFAM պրոմո կոդը հետևյալ հղումով եւ նվեր ստանալ 30 օր բաժանորդագրություն։

Ակտիվացումը հասանելի է մինչև 2022 թ. սեպտեմբերի 12-ը Հայաստանի տարածքում՝ նշելով բանկային քարտի տվյալները, 180 օրվա ընթացքում գործող բաժանորդագրության և այլ պրոմոկոդերի ակտիվացման բացակայության դեպքում: Մանրամասներն՝ այստեղ։

«Մենք ուրախ ենք հայ հանդիսատեսին ծանոթացնել ժամանակակից ռուսական կինոյի տարբեր ժանրերի հետ: Հայկական եւ ռուսական կոնտենտի ինդուստրիան շփման շատ կետեր ունի, ռուսական կինեմատոգրաֆում աշխատում են բազմաթիվ տաղանդավոր ռեժիսորներ, դերասաններ, պրոդյուսերներ՝ հայկական արմատներով: Այս տարի լրանում է Ռուսաստանի Դաշնության և Հայաստանի Հանրապետության միջև դիվանագիտական հարաբերությունների հաստատման 30-ամյակը։ Հունիսին Ռուսաստանում անցկացվեցին Հայկական մշակույթի օրեր, որոնք համընկնում էին այս իրադարձության հետ։ Իսկ այժմ Ռուսական կինոյի օրերը շարունակում են մշակութային միջոցառումների այս շարքը։ Հուսով եմ՝ մեր ֆիլմերի ընտրությունը՝ կատակերգական սերիալները, ֆիլմերը, հետաքրքրաշարժ անիմացիոն ֆիլմերը և հատուկ տեղական հանդիսատեսի համար պատրաստված ենթագրերը հեռուստադիտողին հիանալի տրամադրություն կհաղորդեն»,-ասել է «ՌՈՍԿԻՆՈ»-ի գլխավոր տնօրեն Իննա Շալիտոն:

IVI օնլայն կինոթատրոնի կոնտենտի տնօրեն Իվան Գրինիի խոսքով՝ նման համագործակցությունը նոր հանդիսատես գտնելու հնարավորություն է։

«Մենք ուրախ ենք, որ առաջարկելու բան ունենք։ Մեր Originals շարքի սերիալները արդեն իսկ գերազանց արդյունքներ են ցույց տվել: Համոզված եմ, որ նրանք կսիրվեն նաև Հայաստանի հանդիսատեսի կողմից։ Հայրենական արտադրության լավագույն ֆիլմերն ու սերիալները կներկայացվեն հայերեն թարգմանությամբ։ Մենք շնորհակալ ենք մեր գործընկերոջը՝ «ՌՈՍԿԻՆՈ»-ին, նման բացառիկ ձևաչափով հանդիսատեսին մեր արտադրանքին, ինչպես նաև փառատոնի ծրագրի ֆիլմերին ծանոթացնելու հազվագյուտ հնարավորության համար»,-ասել է նա:

Ռուսական կինոյի օրերի ծրագիրը IVI-ում

Էքշն կատակերգություն «Եվ կրկի՛ն բարև ձեզ» (ռեժ.՝ Եգոր Չիչկանով, 2022 թ.): Անդրեյ Մերզլիկինի գլխավոր դերակատարմամբ՝ անզուսպ, հեգնական, պայծառ եւ ակտիվ սերիալը պատմում է հարություն առած ավազակ Բորիսի մասին։ Նրան սպանում են այն բանից հետո, երբ նա որոշում է կապվել ավազակային խմբի հետ եւ բացել հրուշակեղենի խանութ։ Հարություն առած հերոսը հանդիպում է բժիշկ ուսանող Արտյոմին, որը դիահերձարանում պրակտիկա է անցնում։ Բորիսը ցանկանում է պարզել, թե ով է սպանել իրեն և ինչու։ Լուծման ճանապարհին գլխավոր հերոսին կրկին պարբերաբար սպանում են, և Արտյոմը ստիպված է լինում նրան կարգի հրավիրել։ Ներկայումս նկարահանվում է սերիալի երկրորդ եթերաշրջանը, որտեղ ընկերությունը, սերն ու հումորը նորից ու նորից հաղթում են մահին։ Այս նախագիծը IVI-ի բոլոր ռուսական սերիալներից արագ հասել է 1,5 մլն ընտանիքների դիտմանը։ Այժմ ընթանում են սերիալի երկրորդ եթերաշրջանի նկարահանումները։ Դերերում՝ Դենիս Վլասենկո, Պավել Չինարև, Ագլայա Տարասովա, Սերգեյ Գոդին և այլք։

«Քնքշություն» մելոդրամատիկ սերիալը (ռեժ.՝ Աննա Մելիքյան, 2020 թ.) ռուս ամենահայտնի կին ռեժիսորներից մեկի՝ Աննա Մելիքյանի 2018 թվականի աղմկահարույց կարճամետրաժ ֆիլմի շարունակությունն է։ Պատահական գործուղման ժամանակ միայնակ բիզնես լեդի Ելենան հանդիպում է իր երազանքների տղամարդուն և նույնքան անսպասելիորեն կորցնում նրան։ Նա սկսում է փնտրել նրան բոլոր հասանելի և անհասանելի ձևերով։ Օգտագործվում է ամեն ինչ՝ տրամաբանություն, էզոթերիզմ, ընկերների օգնություն, նոր տղամարդու հետ ծանոթություն, ռետրիտ ուղեւորություն եւ շատ այլ բաներ։ «Քնքշությունը» առանձնանում է աստղային դերասանական կազմով․ նախագծում նկարահանվել են Վիկտորյա Իսակովան, Եվգենի Ցիգանովը, Կոնստանտին Խաբենսկին, Աննա Միխալկովան, Յուլիա Պերեսիլդը, Ռավշանա Կուրկովան և այլ աստղեր։ Հեգնական սերիալը նկարահանվել է հեռախոսով սեւ-սպիտակ ոճով։ Այս տեխնիկան ռեժիսորին հնարավորություն է տվել հատուկ վստահության մթնոլորտ ստեղծել նկարահանման հրապարակում և հեռուստադիտողին որոշ չափով տեղափոխել խորհրդային լիրիկական կինոյի մթնոլորտ։ Պլատֆորմում ցուցադրությունների առաջին ամսվա ընթացքում սերիալը հավաքել է ավելի քան 4 միլիոն դիտում։

«Սուպեր Մյաու» անիմացիոն սերիալը (ռեժ.՝ Տատյանա Մոշկովա, Անդրեյ Ժիդկով, 2021թ.) գունագեղ արկածային, ֆանտաստիկ անիմացիոն շարք է հմայիչ փափկամազ կերպարներով պրոդյուսեր եւ հեղինակ Օլեգ Ռոյի կողմից, ով համանուն գրքի շարքի հեղինակն է։ Հինգ խիզախ կատվի ձագուկներ հայտնվում են սուպերհերոսների դպրոցում։ Նրանք դեռ պետք է բացահայտեն իրենց տաղանդները եւ համախմբվեն, իսկ մինչ այդ Սուպեր չարագործների ակադեմիայի անհաջող տնօրենը պլանավորում է նրանց գրավել իր կողմը։ «Սուպեր Մյաու»-ն սուպերհերոսների մասին առաջին ռուսական անիմացիոն սերիալն է 4-6 տարեկան լսարանի համար:

«Ընտանեկան բյուջե» ժողովրդական կատակերգությունը (ռեժ.՝ Եվգենի Աբիզով, 2021 թ.) ներկայացնում են «Ես նիհարում եմ» և «Դառը» ֆիլմերի հեղինակները: Այն ընտանեկան բյուջեն կառավարելու և խնայողությունների հեգնական և սրամիտ ձեռնարկ է: Յուլիա Ալեքսանդրովայի և Անտոն Ֆիլիպենկոյի հերոսները բախվել են արդի ֆինանսական դժվարությունների, որոնք կարծես մահացու հարված են հասցնում: Ֆրոլովները համախմբված ընտանիք են Կրասնոդարից: Մայրը դաշնամուրի ուսուցչուհի է, հայրը` ատրակցիոնների կոնստրուկտոր, դուստը՝ բլոգեր, որդին՝ ռոմանտիկ: Ինչպես շատերը, նրանք ևս հիփոթեքով բնակարան են գնում: Սակայն շուտով պարզվում է, որ այն վճարելու համար գումար չկա։ Այժմ, որպեսզի փողոցում չմնան, Ֆրոլովները դիմում են ցանկացած այլընտրանքի։ Հիփոթեքը հանգիստ և խաղաղ ընտանեկան կյանքը հասցնում է արկածային որոնումների ծայրահեղության եզրին։

«Երկու պոչ» անիմացիոն ֆիլմը (ռեժ. Նատալյա Նիլովա, Վիկտոր Ազեև, 2018թ.) ընտանեկան մուլտֆիլմ է երկու փափկասուն ընկերների՝ բոբրա Բոբի և անօթևան կատվի՝ Մաքսի անհավանական արկածների մասին, որոնք արտացոլում են խելամիտ այլմոլորակայինների ներխուժումը։ Մուլտֆիլմը հնչյունավորել են դերասաններ Սերգեյ Բուրունովը և Իրինա Կիրեևան։