Ցիցիպասը Ցինցինատիի մրցաշարի կիսաեզրափակիչում է
Թենիսի աշխարհի 7-րդ ռակետ հույն Ստեֆանոս Ցիցիպասը Ցինցինատիի մրցաշարի կիսաեզրափակիչում է:
Ցինցինատիի Մաստերս կարգի մրցաշարի տղամարդկանց մենախաղի 4-րդ շրջանում Ստեֆանոս Ցիցիպասի մրցակիցը ԱՄՆ-ից Զոն Իսներն էր: 2 ժամ 22 րոպե տևողությամբ մրցախաղում Ցիցիպասն առավելության հասավ երեք սեթերից հետո` 7:6, 5:7, 6:3 հաշվով:
Կիսաեզրափակիչում հույն թենիսիստի մրցակիցն աշխարհի առաջին ռակետ Դանիլ Մեդվեդևն է:
Ցինցինատիի մրցաշարն անցկացվում է օգոստոսի 15-22-ը: Առաջին անգամ Մաստերս կարգի այս մրցաշարը կայացել է 1899 թվականին: Այն դասվում է թենիսի Մաստերս 1000 կարգի մրցաշարերին: Տղամարդկանց մենախաղի գործող չեմպիոնը Գերմանիան ներկայացնող Ալեքսանդր Զվերևն է, իսկ կանանց մրցաշարում` Էշլի Բարտին:
