Շվեդիան հրավիրել է Թուրքիային և Ֆինլանդիային՝ քննարկելու ՆԱՏՕ-ին անդամակցելու հարցը
Շվեդիայի կառավարությունը Թուրքիային և Ֆինլանդիային հրավիրել է բարձր մակարդակի հանդիպման:
Այս մասին հայտնում է ՏԱՍՍ-ը՝ հղում անելով Aftonbladet-ին:
Տեղեկության համաձայն՝ հանդիպումը նախատեսվում է օգոստոսի 26-ին և կազմակերպվում է համատեղ մեխանիզմ ստեղծելու համար, որը վերահսկելու է երեք երկրների միջև Շվեդիայի և Ֆինլանդիայի ՆԱՏՕ-ին միանալու դիմում ներկայացնելուց հետո կնքված համաձայնագրի կատարումը:
«Սա առաջին հանդիպումն է համաձայնագրի շրջանակում, որը, հուսով ենք, կիրականացվի»,- ասել է Թուրքիայի ԱԳՆ տեղեկատվական բաժնի պետի տեղակալ Բելիզ Սելասին Ռենդեն։
Թուրքական պատվիրակության կազմի վերաբերյալ այդ երկրի ԱԳՆ-ից դեռևս տեղեկություն չեն հայտնել:
