Հարավային Կորեան և ԱՄՆ-ը նախնական վարժանքներ կանցկացնեն համատեղ ընդգրկուն զորավարժություններից առաջ
Հարավային Կորեայի եւ ԱՄՆ-ի զինվորականները Ulchi Freedom Shield լայնընդգրկուն համատեղ զորավարժություների նախաշեմին, որոնք պլանավորված են օգոստոսի վերջին, կանցկացնեն նախնական համատեղ վարժանքներ: Այս մասին հայտնել է Yonhap գործակալությունը:
Նշվում է, որ նախնական քառօրյա վարժանքները սկսվել են օգոստոսի 16-ին, դրանք կկենտրոնանան հակաճգնաժամային կառավարման մշակման վրա: ԱՄՆ-ի եւ Հարավային Կորեայի Ulchi Freedom Shield համատեղ զինավարժանքները պետք է տեղի ունենան օգոստոսի 22-ից մինչեւ սեպտեմբերի 1-ը:
Ինչպես ավելի վաղ հայտնել է Հարավային Կորեայի պաշտպանական գերատեսչությունը, վարժանքների ընթացքում, մասնավորապես, կմշակվեն գործողություններ մայրաքաղաքային տարածաշրջանի պաշտպանության ժամանակ եւ հետագա անցումը հակահարձակման ԿԺԴՀ-ի կողմից ագրեսիայի դեպքում, հաղորդել է ՏԱՍՍ-ը:
