Լուլուն պետք է պատասխան տա «Եռաբլուրում» իր պահվածքի համար. ՈՒՂԻՂ
Այս պահին բողոքի ակցիա է իրականացվում Ազգային ժողովի շենքի դիմաց։ Ակցիայի առիթն այս անգամ իշխող «Քաղաքացիական պայմանագիր» (ՔՊ) խմբակցության պատգամավոր Լուսինե Բադալյանն է՝ Լուլուն, հունվարի 28-ին «Եռաբլուր» զինվորական պանթեոնում դրսևորած անհարգալից վարքի համար։
Հիշեցնենք, որ հունվարի 28-ին՝ բանակի կազմավորման 30-րդ տարեդարձի կապակցությամբ, իշխանության ներկայացուցիչները՝ նախարարներ, պատգամավորներ, վաղ առավոտյան այցելել էին «Եռաբլուր»։ Տեսախցիկները ֆիքսել էին, թե ինչպես է Լուսինե Բադալյանը Երևանի նորանշանակ քաղաքապետ Հրաչյա Սարգսյանի և այլոց հետ հրճվում, լիաթոք ծիծաղում՝ զոհված տղաների շիրիմներին խոնարհելու համար մեխակները ձեռքին։
