«Ոչ մեկս տոնական տրամադրություն չունի… Պետք է կարողանանք բռունցքվել». Արթուր Խաչատրյան
Այսօր Եռաբլուր զինվորական պանթեոնում ԱԺ «Հայաստան» խմբակցության պատգամավոր Արթուր Խաչատրյանը պնդեց, որ իշխանությունը պատկանում է ժողովրդին, և եթե ժողովուրդը միավորվի և իր հուժկու խոսքն ասի, ապա որևէ իշխանություն չի կարող հասնել իր «ազգադավ» նպատակներին:
«Ես հասկանում եմ, որ այսօր որևէ մեկս տոնական տրամադրություն չունի, բայց նույնիսկ այս պայմաններում պետք է արժևորենք մեր անկախության խորհուրդը: Այսօր, երբ մեր անկախությունը կանգնած է կործանման եզրին, անկախությունը, ինքնիշխանությունը և տարածքային ամբողջականությունը, պետք է կարողանանք բռունցքվել, միավորվել և մեր արժանի հարվածը հասցնել արտաքին թշնամիներին, ինչպես նաև հասկացնենք ներքին թշնամիներին, որ իրենց դավերը, որոնք փորձում են նյութել մեր ազգի դեմ, դատապարտված են ձախողման»,- ասաց Խաչատրյանը:
